Престрелка попладнево се случила во центарот на Куманово на паркинг кај улицата Борис Кидриќ.
Неофицијално, во престрелката повредено е најмалку едно лице.
Од МВР за локалниот портал Кумановски муабети го потврдиле инцидентот, но повеќе детали најавуваат за во текот на вечерта.
„Да, има пријава за пукање во центарот на градот. Екипи на СВР Куманово се на терен и се врши увид, повеќе детали ќе следуваат во текот на вечерта“, велат од СВР-Куманово.
И од Кумановската општа болница потврдија дека кај нив со возило на Итна помош во 17: 38 часот е донесено машко лице со две прострелни рани на двете нозе.
Поради сериозноста на повредите, лицето е испратено за Скопје.
– По пружањето на првична здравствена помош, лицето со тим од вработени е препратено до васкуларна хирургија Скопје – изјави директорката на болницата, Биљана Ивановска.
