Премиерите на Канада, Австралија и Нов Зеланд утринава повикаа на итен прекин на огнот во Појасот Газа.
Тие во повикот бараат да се достави хуманитарна помош, како одговор на најавата на Израел дека планира воена операција во градот Рафах на југот од палестинската енклава.
Премиерите на трите земји во заедничката изјава истакнаа дека се длабоко загрижени поради плановите на Израел да започне копнена офанзива во Рафа и оценија дека тоа ќе предизвика катастрофа.
