Извршниот директор на Tesla, Илон Маск, најави дека производителот на електрични возила се очекува да претстави автомобил способен за целосно автономно возење подоцна оваа година. Тој призна дека погрешил во претходните предвидувања за таа временска рамка, но додаде: „Се чувствувам како да сме поблиску до тоа отколку што некогаш сме биле“.
„Со оглед на тоа каде е Тесла во оваа фаза, мислам дека сме многу блиску до постигнување целосно автономно возење без човечка контрола“, рече извршниот директор и американски милијардер Илон преку видео врска на церемонијата на отворање на конференцијата за вештачка интелигенција во Шангај.Маск.
Кина е најголемиот пазар за електрични возила во светот, а Tesla во април најави дека ќе изгради уште една голема фабрика во Шангај. Појавувањето на Маск на Светската конференција за вештачка интелигенција во Шангај може да се смета како обид да се одржат блиски врски со Кина, откако тој ја посети земјата во мај. Кина е вториот по големина пазар на Тесла, по Северна Америка.
Електричните возила сочинуваат четвртина од продажбата на автомобили во Кина, најголемиот пазар на автомобили во светот, а десетици нови модели од домашни и западни марки беа изложени во април на првиот автосалон во земјата по укинувањето на ограничувањата за Ковид-19.
Tesla објави пад на профитот во првиот квартал од оваа година, делумно поради намалувањето на цените поради конкуренцијата од другите производители на автомобили. По намалувањето на цената, Tesla известува за зголемување на продажбата. На крајот на минатата недела објавија дека во вториот квартал испорачале 466.140 возила, што е за повеќе од 80 отсто повеќе од пред една година.
