Машиновозачите на Германските железници започнаа еднодневен предупредувачки штрајк барајќи намалување на работното време за работниците во смени, пренесе Хина. Штрајкот започна во четвртокот вечерта во патничкиот сообраќај.
Синдикатот на машиновозачите на Германија објави дека тоа е предупредувачки штрајк и „последниот штрајк оваа година“.
Во јануари штрајковите ќе бидат поинтензивни и подолги, предупреди синдикатот на машиновозачите.
Целта на штрајкот е да се зголеми притисокот во сегашната рунда на колективни договарања.
Најважното нешто што го бара синдикатот е намалување на работното време за работниците во смени.
