Познатиот актер Мајкл Б. Џордан со својот автомобил ферари удрил во паркиран автомобил, инцидентот се случил во саботата вечер во 23 часот и 34 минути, на фреквентниот булевар Сансет во Калифорнија.
Полицијата соопшти што се знае за оваа несреќа и дали холивудската ѕвезда возела под дејство на недозволени супстанци.
На местото на несреќата немало знаци дека Мајкл Б. Џордан возел под дејство на недозволени супстанции. Меѓутоа,, како што пишува порталот „Пејџ сикс“, не бил направен алкотест, а актерот не бил уапсен.
Од полицијата во Лос Анџелес исто така е соопштено и дека не било покренато обвинение против Мајкл Б. Џордан. Не е познато дали другиот возач бил во автомобилот во моментот на несреќата. Како што пишува американскиот портал ТМЗ, полицаец на местото на несреќата го прашал Џордан: „Што се случило?, но актерот не сакал да се изјасни.
Освен штетата на автомобилот на актерот и на другото возило, нема извештаи за повредени, а ѕвездата од „Ваканда засекогаш“ пополнила онлајн извештај што го побарала полицијата.
На видеото што го објави ТМЗ, актерот може да се види како разговара со полицаец додека до него е пријател, чиј идентитет не се соопштува. Во тој момент изгледале многу смирено.
Фотографиите од инцидентот можете да ги погледнете ТУКА.
