Познатата пејачка Весна Змијанац вели дека од секој свој мегахит заработила по 500.000 евра!
Најмногу пари во богатата кариера на пејачката ѝ донесоа песните „Јорговани“, познат дует со Дино Мерлин и хитот „Невера“.
Топчагиќ гостуваше во емисијата на Огњен Амиџиќ и на прашањето на водителот дали повеќе би сакала да земе половина милион евра во готовина или хит, таа одговори дека секогаш би избрала добра песна.
– Од само еден мегахит кој трае со години може да се заработи најмалку 500.000 евра! Мора да биде сериозна песна, како на пример „Јорговани“, која се слуша повеќе од 35 години. Исто така и „Невера“ која ја снимив пред 45 години, а сѐ уште ја пеам на настапи. Замислете само колкупати ја пеев за пари во сите овие децении и колку заработив од тоа. И во денешно време еден таков хит може да „прободе“ – објаснила пејачката.
Дуетот со Мерлин е нешто што ѝ донесе најголема заработка. Песната беше убедливо еден од најголемите хитови на територијата на поранешна Југославија во 1980-тите. Објавен е на албумот на Весна „Вистина“, кој е продаден во рекордни 900.000 примероци.
ФОТО: Душан Петровиќ
