Пожарникарите кои со денови се борат со огнената стихија на островот Родос, во регионот зафатен од пожарот нашле жедна и исцрпена мала срна. Тие и се приближиле, и дале вода која срната жедно ја испила и успеале да ја спасат.
Видеото се прошири на социјалните мрежи и воодушеви многумина. Во коментарите луѓето ги пофалија храбрите пожарникари кои му помогнаа на животното.
Грчките пожарникари седми ден по ред се борат со шумските пожари на Родос. Околу 20.000 луѓе беа принудени да ги напуштат своите домови и хотели на Родос за време на викендот, бидејќи пеколот што започна пред една недела со пожари се прошири на крајбрежните одморалишта, откако пожарот изгоре големи површини и оштети и уништи згради.
