Во Шибеник на хрватското приморје, околу пладне избувна пожар во трговскиот центар Далмара. Пожарникарите се на терен, а трговскиот центар е евакуиран, информира Индекс.хр
Пожарникарите нешто пред 13 часот успеале да го стават пожарот под контрола.
„Пожарот избувна на противпожарните скали. Пожарникарите се на терен, а интервенцијата е при крај“ – известија надлежните служби.
Пожарот го зафатил и покривот на трговскиот центар. Повредени нема, а две лица се заглавиле во лифтот поради прекин на струја, но пожарникарите успешно ги извлекле, објави Шибенски.хр.
Без струја останаа сите околни згради, вклучително и Радио Шибеник, чија редакција се наоѓа во близина.
