Турција и Сирија вчера беа погодени од силни земјотреси, во кои загинаа најмалку единаесет лица. Неколку стотици се повредени, многумина се заробени под урнатините.
Вчера силни земјотреси со јачина од 6,4 и 5,8 степени ги потресоа Турција и Сирија. Според локалните власти, најмалку единаесет лица загинале, стотици луѓе се повредени, многумина останале затрупани под урнатините. Епицентарот на првиот земјотрес бил во турската провинција Хатај во градот Дефне, а вториот на помалку од 20 километри источно во градот Самандаг, на околу 20 километри источно од градот Дефне.
Земјотресот ја потресе областа долж сириско-турската граница околу 20 часот по локално време. Двата земјотреси следеа еден по друг со разлика од три минути. Во понеделникот, турската управа за управување со катастрофи измери уште два земјотреси со јачина од 5,2 степени, околу 20 минути по првиот. Се почувствувал и во Египет, Либан и на палестинските територии.
Луѓето во подрачјето на земјотресот ги зафати паника и страв. Луѓето скокаа од покривите и балконите на куќите додека се обидуваа да стигнат на безбедно, соопшти Сириската опсерваторија за човекови права со седиште во Британија. Многумина претрпеа скршеници и модринки, вклучително и од паѓање на парчиња од срушени згради. Повредени се пријавени од сириските градови Салкин, Харем, Идлиб, Хирбет ал Џуз и во руралните области во близина на Алепо. Смртни случаи се пријавени и од градовите Антакија, Дефне и Самандаг.
Ова се најсилните земјотреси од првиот разорен земјотрес со јачина од 7,8 степени според Рихтеровата скала што ги погоди Турција и Сирија на 6 февруари. Досега од урнатините се извлечени повеќе од 47.000 тела. Илјадници луѓе се уште се водат како исчезнати, а милиони останаа без покрив над главата.
