Голема песочна бура го зафати главниот град на Кина Пекинг и другите северни провинции, погодувајќи околу 409 милиони луѓе, соопшти кинеското Министерство за шумарство, според Глобал тајмс.
Индексот на квалитетот на воздухот во Пекинг ја премина горната граница и достигна ниво од 1.300 во понеделникот вечерта, при што нивото од 150 веќе се смета за „нездраво“.
Невремето ја намали видливоста на неколку десетици метри.
Песочната бура дојде од јужна Монголија и, освен Пекинг, ги зафати и другите северни кинески провинции, вклучително и Внатрешна Монголија, Хејлонгџијанг и Ксинџијанг, соопшти Министерството.
Зафатил вкупна површина од 2,29 милиони квадратни километри.
Метеоролошкиот центар истакна дека северна Кина веќе се соочи со повеќе песочни бури оваа година од просекот забележан во изминатите десет години.
Индексот на квалитетот на воздухот во Пекинг во вторникот наутро сè уште беше околу 900, со екстремно високи концентрации на честички ПМ10 и облак од прашина над главниот град кој дури подоцна беше однесен од ветровите.
