Повеќе од 200 деца се вакцинирани со пропуштени рутински вакцини во рамки на заедничката кампања на Министерството за здравство и Светската здравствена организација „Од врата до врата“.
Поделени биле повеќе од 4.000 информативни брошури. Кампањата почна на 24 април 2023 година, како дел од Европската недела на имунизација 2023 година и се реализира со финансиска поддршка од ЕУ.
Во кампањата се вклучени повеќе од 30 медицински тимови, кои до крајот на овој месец треба да посетат 2.900 семејства, во повеќе од 120 населени места.
Тимовите составени од здравствени работници ги презентираат бенефитите од имунизација, а воедно вршат и администрирање на вакцини против ковид-19 и рутинска вакцинација.
