Капитенот на шпанската фудбалска репрезентација, Алваро Мората, е нов играч на Милан, објави славниот италијански клуб.
Мората пристигнува на „Сан Сиро“ по освоената титула европски првак со репрезентацијата на Шпанија, на покана на Златан Ибрахимовиќ, откако потпиша договор на четири години и ќе го носи дресот со бројот 7.
Мората има 31 година, кариерата ја започна во Атлетико, а потоа играше за Реал Мадрид, Јувентус и Челзи, за да се врати кај „црвено-белите“ од Мадрид во 2019 година.
За репрезентацијата на Шпанија има одиграно 80 натпревари и постигнато 36 гола.
