Урамнотежената исхрана и вежбањето не мора да бидат напорни, а со текот на времето таквите навики можат целосно да се вклопат во вашата секојдневна рутина и да станат незаменлив дел од животот.
Доколку барате брзо решение, фитнес експертите предупредуваат дека тоа може да му нанесе повеќе штета на вашето тело отколку добро.
Луѓето имаат нереални очекувања
Експертите предупредија на нереалните очекувања кои луѓето ги имаат кога гледаат филмови и фотографии од познати актери, кои успеваат да постигнат значителни промени за улогите за краток временски период.
Тие исто така тврдат дека тоа може да биде многу опасно и нездраво.
Од драстично зголемување на телесната тежина до шокантно слабеење, талентите на екранот докажаа колку нашите тела се прилагодливи, пишува Index.hr.
По која цена?
Личниот тренер Лук Хегс објасни дека „губењето или зголемувањето на еден до два килограми неделно се смета за здрав и безбеден ритам на промена на тежината“.
Тој додава дека многу познати актери за краток период ослабеле многу или многу се здебелиле. Ова веројатно ќе им зададе значителен стрес на нивните тела“.
„Сериозното ограничување на калориите долго време може да доведе до недостаток на хранливи материи“, рече Хегс.
Тој исто така додаде дека „тоа може да резултира со голем број последици, вклучувајќи кршливи коса и нокти, екстремен замор, ослабени коски, губење на косата или остеопороза“.
