Од хрватското езеро испумпале 35 милиони кубни метри вода и од него ја иселиле најскапоцената – пастрмката.
Веќе објавивме дека по повеќе од дваесет години, едно од најубавите хрватски езера, Локварското езеро во Горски Котар, ќе се исцеди поради реновирање.
Од вештачкото езеро, кое е составен дел на хидроенергетскиот комплекс Винодол, за неколку месеци се исцедени 35 милиони кубни метри вода, пренесува dnevnik.hr. На овој начин тие уште еднаш ги открија остатоците од некогашната населба Средњи Јарак, во која живееле 400 луѓе во времето на создавањето на езерото, во 50-тите години на минатиот век. Така сè уште може да се видат остатоци од куќи, пилана и дел од познатиот пат Лујзијана и остатоците од мостот Цезарјев.
Кога пресуши, со помош на рибари го преселија и најголемото богатство на езерото, рибите, особено познатата пастрмка. Притоа, мораа да бидат многу внимателни, бидејќи пастрмката е многу чувствителна на калта што се создава при празнењето. Пастрмките беа преместени во блиското езеро Мрзла вода, каде што ќе останат додека Локварското езеро повторно не се наполни со вода. Езерото најверојатно ќе биде празно до крајот на септември, на сувото дно, па локалната заедница предвидува неколку настани кои, сметаат, ќе привлечат туристи.
