Бензините од ноќеска на полноќ поевтинуваат за половина денар за литар, а цените на дизелoт и нафтата за домаќинства се зголемуваат за денар односно за 1,50 денари, одлучи денеска Регулаторната комисија за енергетика(РКЕ).
Со одлуката се врши зголемување на малопродажните цени на нафтените деривати во просек за 0,64 отсто.
Новата малопродажна цена на „еуросупер – 95“ е 76,50 денари за литар, „еуросупер – 98“ ќе се продава за 78,50, дизелот за 73,50, а екстра лесното масло за горење (нафта за греење) за 73,50 денари за литар.
Со одлуката на РКЕ малопродажната цена на Мазутот М-1 НС ќе изнесува 41,941 денари.
