Португалија ја совлада Хрватска со 2:1 во Лисабон на отворањето на новото издание на Лигата на нации, а селекторот на домаќинот Роберто Мартинез го изрази своето задоволство од натпреварот.
„Беше тежок натпревар, но јас сум задоволен. Во првото полувреме одигравме одлично, успеавме да им ја одземеме топката на Хрватите иако играа со пет играчи од средниот ред. Во нападот покажавме неколку добро извежбани акции. Откако примивме гол, почувствувавме потреба да го одбраниме водството, па и дадовме посед на Хрватска, но успешно се одбранивме. Тој дел не беше идеален, но покажува дека имаме квалитет да го одбраниме нашиот гол“, изјави Мартинез и ја објасни стратегијата:
„Хрватска има многу играчи во средниот ред, што го отежнува пробивањето на нивните линии. Далот таму заврши одлична работа, а со воведувањето на Жоао Невес дополнително ја зацврстивме врската. Ова е важна победа бидејќи ги покажавме различните опции што ги имаме“.
