Портпаролката на руското Министерство за надворешни работи Марија Захарова штотуку на Твитер им се закани на Финска и Шведска. Во соопштението објавено од руското МНР, таа рече дека приемот на Финска и Шведска во НАТО ќе има многу сериозни воени и политички последици, пренесува Мондо.
„Сметаме дека посветеноста на финската влада на воената политика на неврзаните е важен фактор за обезбедување безбедност и стабилност во северна Европа. Пристапувањето на Финска и Шведска во НАТО би имало сериозни воени и политички последици“, напишала Захарова.
Руската закана доаѓа откако шефот на НАТО Јенс Столтенберг денеска објави дека ги поканил Финска и Шведска, кои не се членки на воената алијанса, на виртуелен самит на кој ќе се разговара за руската окупација на Украина.
