Не стивнува вревата околу допинг контролата која го разбесни Новак Ѓоковиќ на Дејвис купот.
На само час и половина пред клучниот меч против Камерон Нориер за пласман во полуфиналето на Дејвис купот, антидопинг агенцијата побара од српскиот тенисер да биде тестиран за допинг.
„Во 20 и повеќе години од мојата кариера никогаш не ми се случило час и половина пред натпревар да одам на допинг контрола. Имам своја рутина, не ми треба одвраќање од земање крв и урина“, изјави Ѓоковиќ, кој се пожали на тајмингот на допинг тестовите.
Поради ова, Марк Мадио, поранешен француски велосипедист и олимпиец, тврди дека Ѓоковиќ треба да биде суспендиран бидејќи не сакал веднаш да направи допинг тест:
„Имаме контролно правило пред и по натпреварувањето. Ако антидопинг телото си ја врши работата, Ѓоковиќ мора да биде суспендиран. Тој одбил тест пред натпреварот, а потоа направил. Во возењето велосипед се поднесувате на тестот, ако не успеете, тестот е позитивен. Ако тестот е позитивен, ќе бидете казнети. Немате право да одбиете тестирање, тоа е правило“, изјави Медиот за RMC и продолжи:
„Во асортиманот на допинг производи има производи кои можат да се откријат за ограничено време. Ако не го направите тестот пред почетокот на натпреварот, времето додека се натпреварувате ви овозможува да ги елиминирате трагите на допинг. Затоа е воведено тестирање пред натпреварот, не е реално само да го предупредиле, тогаш веќе не е случајна проверка“, заклучи тој.
Да додадеме како Италијанците ја совладаа Србија во мечот за финалето на Дејвис купот.
