Судот во Прага го ослободи поранешниот чешки премиер Андреј Бабиш за вмешаност во измама од два милиони долари за добивање субвенција. Бабиш доби средства од Европската унија за неговиот бањски комплекс. Пресудата дојде само четири дена пред претседателските избори, на кои главниот фаворит е поранешниот премиер.
Милијардерот и поранешен чешки премиер Андреј Бабиш денеска беше ослободен од обвинението за вмешаност во измама вредна два милиони евра за добивање субвенции од Европската унија. „Делот опишан во обвинението не е кривично дело“, рече судијата Јан Сот по пресудата, додавајќи дека Јана Наѓова, поранешната советничка на Бабиш, исто така е ослободена од вмешаноста во аферата.Судскиот процес во случајот на измама при добивање субвенции од ЕУ за компанијата Štorkljina gnezdo, велнес селото на Бабиш на околу 50 километри јужно од Прага, започна во септември минатата година. Во 2007 година, еден од најбогатите Чеси ја финансираше неговата изградба со европски средства, во износ од 50 милиони чешки круни, што е приближно два милиони евра.
Бабиш, кој во тоа време беше на чело на холдингот „Агроферт“, го исклучи комплексот „Сторкљина гнездо“ од својата холдинг компанија за да има право на европски средства наменети исклучиво за мали и средни компании.
Тој во неколку наврати го опиша судењето како политички прогон пред претстојните претседателски избори, на кои инаку се смета за главен фаворит. Според последното истражување на јавното мислење, Бабиш во првиот круг би можел да добие над 30 отсто од гласовите.
Во петок и сабота во Чешка ќе се одржи првиот круг од претседателските избори. Доколку ниту еден од кандидатите не добие повеќе од 50 отсто од гласовите, втор круг ќе следи две недели подоцна.
