Поранешниот француски фудбалски репрезентативец Кристоф Дугари изјави дека се надева дека Килијан Мбапе ќе го напушти Пари Сен Жермен на крајот на сезоната.
Мбапе има договор со францускиот шампион до крајот на сезоната. Тој постојано одбиваше да ја продолжи соработката со клубот од Париз.
„Со целото мое срце се надевам дека ќе го напушти Пари Сен Жермен. Мбапе стагнира. Станува предвидлив во дуелите, му недостасува сила и карактер. Често е невидлив на теренот. Изгледот му е негативен, се повеќе мавта со рацете. Тој ми изгледа малку изгубен. Работите не одат добро во ПСЖ веќе неколку месеци“, изјави Дугари за RMC.
Тој истакна дека Мбапе во моментов е еден од најдобрите напаѓачи во светот.
„На секои шест месеци прашање е дали Килијан ќе замине. Ме прави лут и уморен. Сакам Мбапе да избере клупски проект наместо личен. Уморен сум од гласините за неговата иднина, уморен сум од тоа. Не ми е гајле повеќе“, додаде Дугари, кој играше за француската репрезентација од 1994 до 2002 година.
Мбапе има 18 гола на 16 натпревари во француското првенство оваа сезона или три гола на шест меча во Лигата на шампионите.
