Поп ѕвездата Били Ајлиш потврди дека случајно „излегла од плакарот“ во новото интервју за магазинот „Вариети“.
Говорејќи на црвениот тепих на настанот на „Вариети“ во Лос Анџелес, 21-годишната добитничка на Греми рече дека не сака да прави голема работа околу откривањето на своите сексуални преференции. На прашањето на новинарот дали имала намера да „излезе од плакарот“ во написот објавен во ноември, Ајлиш одговорила: „Не, не планирав. Но, некако си помислив: „Зарем не е тоа очигледно?“
„Не знаев дека луѓето не знаат. Мене тоа ми е возбудливо бидејќи претпоставувам дека луѓето не знаеле, но одлично е што знаат. Јас сум за девојки“, рекла Ајлиш.
Во споменатиот напис за „Вариети“, Ајлиш разговарала со новинарката Кети Стефан за тоа како се однесува кон другите жени.
„Никогаш не се чувствував како да можам добро да се поврзам со девојките. Многу ги сакам. Ги сакам како луѓе. Ме привлекуваат како луѓе. Навистина ме привлекуваат“, рекла таа.
„Имам длабоки врски со жените во мојот живот, пријателите во мојот живот, семејството во мојот живот. Физички ме привлекуваат. Но, исто така сум многу заплашена од нив и нивната убавина и нивното присуство“, додала Ајлиш. И покрај нејзините претходни коментари, Ајлиш во неделата го критикуваше „Вариети“ за интервјуто на црвениот тепих во објавата на Инстаграм.
„Ви благодарам „Вариети“ за мојата награда, а исто така и што ме ставивте на црвениот тепих во 11 часот, наместо да зборувате за што било друго што е важно. Сакам мажи и жени, оставете ме на мир, ве молам, буквално, кој се грижи“, напиша во објавата пејачката која изгуби околу 100.000 следбеници на Инстаграм откако откри дека е бисексуалка.
