Алжирецот Јусеф Атал минува низ тешки моменти во својата професионална кариера поради неговиот став да ја поддржи Палестина во конфликтот со Израел.
Поради ова неговиот клуб Ница го суспендираше на неодредено време, иако Атал избриша објава на социјалната мрежа Инстаграм која многумина ја карактеризираа како антисемитска.
Но, тоа не беше крајот. Француската фудбалска федерација покрена сопствена истрага, која резултираше со суспензија од седум натпревари, која ќе започне на 31 октомври.
Не помогна ниту тоа што Алжирецот преку социјалните мрежи испрати јавно извинување.
„Свесен сум дека мојата објава шокираше многу луѓе, што не беше моја намера и се извинувам. Сакам да го разјаснам моето гледиште без никаква двосмисленост: силно ги осудувам сите форми на насилство, каде било во светот и ги поддржувам сите жртви на насилство“, напиша меѓу другото Атал во своето извинување.
