Градската управа на Санкт Петербург соопшти дека се суспендирани сите летови до и од градскиот аеродром. Локалните медиуми јавуваат дека поради непознатиот предмет биле подигнати и борбени авиони, но официјалната причина за прекинот на летовите се уште не е позната.
Патниците кои требало да полетаат се задржуваат во авиони, пренесува РИА Новости, а никој не им објаснил за што се работи. Градските служби за итни случаи на новинарите на овој медиум им откриле дека воздушниот простор над аеродромот Пулково е затворен поради непознат предмет, но не открија за што се работи. Се очекува небото да остане затворено до 13:20 часот по московско време.
Сите авиони кои беа над Балтичкото Море или поаѓаа од Калининград исто така беа вратени во нивните бази.
