Според неофицијални извори на Јутарњи лист, полицијата во саботата наутро по налог на Ускок започнала акција за апсење и претрес во Загреб и во областите Осиек, Сплит и Шибеник поради злоупотреба и перење пари на сметка на ИНА во трговијата со гас. Претреси и апсења се вршат во Загреб и во областа на сплитско-далматинската, осиек-барањската и шибеничко-книнската област. УСКОК и полицијата се уште официјално ја немаат објавено акцијата.
За апсењата се огласи и Министерството за финансии.
„По информациите во медиумите за акцијата на надлежните органи во која беа уапсени повеќе лица поради сомнение за сторени кривични дела злоупотреба на доверба во деловното работење и перење пари, Министерството за финансии се изразува на следниов начин.
Во откривањето на конкретниот случај и неговата кривична истрага, како и обезбедувањето на конфискација на противправна имотна корист, активна улога имаа службите на Министерството: Управата за спречување перење пари и Даночната управа – независен сектор за финансиски Истраги.
Управата за спречување на перење пари, по извршена оперативна анализа на добиени сомнителни трансакции согласно Законот за спречување перење пари и финансирање тероризам, утврди сомнение за перење пари и поврзани предикатни кривични дела и предметот го достави на понатамошно постапување и процесуирање до Управата за сузбивање на корупција и организиран криминал. Независниот сектор за финансиски истраги на Централната управа на даночната управа спроведе повеќемесечна финансиска истрага во соработка со ПНУСКОК и Управата за спречување перење пари на Министерството за финансии и во координација со УСКОК, како резултат на што до УСКОК поднесе кривична пријава за сторени повеќе кривични дела од областа на стопанството.
Независниот сектор за финансиски истраги (SSFI) врши анализи и финансиско истражување првенствено во случаи кога има сериозни индиции за организиран криминал, корупциски кривични дела и кривични дела за измама со субвенционирање на штета на фондовите на Европската Унија“, се вели во соопштението испратено од Министерството за финансии до медиумите.
