Начинот на кој функционираат вашите црева може да каже многу за вашето здравје. Најчестите симптоми кои укажуваат на проблеми со цревата се надуеност, гадење, запек и нагли промени во тежината.
Сепак, постојат некои други помалку познати симптоми кои може да укажуваат на неправилно функционирање на цревата. Покрај тоа, лошото здравје на цревата може да се поврзе со посериозни здравствени состојби како што е ракот, па затоа обрнете внимание на овие три симптоми.
Гасови
Плинот не е нужно лоша работа, но ако често имате гас, треба да го проверите вашето здравје.
Ова е особено точно ако се чувствувате подуени после одредена храна, бидејќи тоа покажува дека цревата не ја разградуваат храната правилно.
Причината е нетолеранција кон одредени намирници, а се јавува кога на луѓето им недостига доволно количество на ензимот наречен лактаза, кој помага во варењето на лактозата.
Проблеми со кожата
Еден од симптомите кои укажуваат на дигестивни проблеми се промените на кожата.
Рафинираниот шеќер и заситените масти во поголеми количини предизвикуваат нерамнотежа на цревните бактерии кои можат да предизвикаат акни, розацеа, егзема, псоријаза и првут.
Промени во расположението
Нашето ментално здравје е тесно поврзано со нашето физичко здравје. Значи, секој дигестивен проблем може да предизвика стрес, депресија и слични психички состојби.
Нерамнотежата помеѓу микроорганизмите, односно зголемувањето на таканаречените лоши бактерии во цревата, предизвикува нарушување. Тоа е затоа што цревата се одговорни за околу 90 отсто од производството на серотонин, таканаречениот хормон на среќата, пренесува klix.ba.
