Во Франција неколку илјади луѓе протестираа против полициското насилство.
Во Франција неколку илјади луѓе се собраа денеска во бројни градови на протести против полициското насилство. На митинг во Париз, демонстранти со палки нападнаа полициско возило, при што беа повредени полицајци, јавува германската прес агенција dpa.Многу организации повикаа на демонстрации три месеци откако тинејџер почина за време на сообраќајната контрола. На протестите тие предупредија на системски расизам, полициско насилство и социјална нееднаквост, кои според нив главно ги трпат жителите од предградијата.
По смртта на 17-годишник со француско-алжирско потекло на крајот на јуни, кој беше застрелан од полицијата, избувнаа немири во предградијата на големите француски градови. Полицаец застрелал тинејџер во париското предградие Нантер при сообраќајна контрола. И покрај помошта на спасувачките служби, младиот човек починал од прострелни рани во градниот кош. Според видеото кое се појавило по смртта на младиот човек, јасно се гледало дека 17-годишникот немал ни намера да го претекне полицаецот при сообраќајна контрола, како што прво тврдеа.
Од тогаш француската влада ниту предложила никакво подобрување на ситуацијата, ниту ги истражила постапките на полицаецот, пишува dpa.
