Полициски час синоќа е воведен во североисточна Нигерија каде стотици жители ограбија огромни продавници и јавни капацитети за складирање храна, соопштија локалните власти.
Тинејџерите кои живеат на улица почнаа да ограбуваат, но набрзо им се придружија стотици жители кои влегоа во продавниците и магацините за храна, земајќи сè што можеа, особено жито.
Полицијата соопшти дека нејзините припадници биле распоредени да го следат почитувањето на полицискиот час и да спречат понатамошни грабежи.
Нигерија, најнаселената земја во Африка и најголемата економија на континентот, се соочува со тешка економска криза од 2016 година, влошена со пандемијата на коронавирус, а потоа и со руската офанзива врз Украина, која го попречи увозот на храна.
И покрај огромните резерви на нафта во Нигерија, околу половина од нејзините 215 милиони луѓе живеат во екстремна сиромаштија, со помалку од два долари на ден.
Во изминатите два месеци сиромаштијата се влоши бидејќи новиот претседател Бола Тинубу презеде низа економски мерки во интерес на долгорочни инвестиции, но со сериозни последици за буџетите на домаќинствата.
