Француската полиција застрела жена која според некои информации и се заканувала во воз во Париз, соопштија властите.
Од полицијата велат дека немаат информации за здравствената состојба на засегнатата жена.
Властите евакуираа метро станица и возови на линијата до Националната библиотека Франсоа Митеран во источен Париз. Во соопштението се наведува дека полицајците отвориле оган откако жената не реагирала на предупредувањата.
Полициската патрола реагирала откако еден од патниците во возот ја повикал итната помош и пријавил дека жената која носела маска за лице упатува разни закани.
Според медиумите, жената извикувала „Алаху акбар“ и се заканувала дека ќе се разнесе. Наводно жената била застрелана во стомакот.
