Полицијата во Бор, Србија, попладнево на распит ја одвела мајката на Дејан Драгијевиќ, еден од осомничените за убиството на двегодишната Данка Илиќ, за „Блиц“ потврдил таткото на Дејан, Раде Драгијевиќ.
Претходно денеска на рочиште беше однесен и помладиот брат на Дејан, Далибор.
– Што да кажам кога не знам ништо. Посакувам да имам добри информации, па да можам да кажам нешто, но не. Требаше да ме слушаат синоќа, но не. Сега дојдоа само по жената. Околу 18 часот со службено возило дошле двајца полицајци и ја однеле да даде изјава. Сега сите се таму, само јас останав дома – вели Раде Драгијевиќ за „Блиц“.
Тој не верува дека неговиот син е виновен за убиството на малото девојче.
– Слушам на телевизија, има манипулации за се и сешто. Не знам што се случи, но не верувам дека тоа што се зборува е вистина. Дејан никогаш не бил таков. Не го познавам како таков, никогаш не беше агресивен со мене – изјави таткото.
Тој додава дека сите во семејството имаат проблеми со срцето и дека Дејан минатата година имал инфаркт. проблеми – вели Раде.
Полицијата во Бор вчера ги уапси вработените во Јавното комунално претпријатие „Водовод“ Бор, Срѓан Јанковиќ (50) од село Лука и Дејан Драгијевиќ (50) од село Злот под сомнение дека ја убиле малата Данка Илиќ (2. ).
