Напаѓачите фрлиле рачна граната на полициски контролен пункт покрај пат во северозападен Пакистан, при што загинал еден полицаец, а раниле четири лица, соопштија локалните власти.
Се уште никој не ја презел одговорноста за нападот во провинцијата Хајбер Пахтунхва, која граничи со Авганистан.
Полицијата соопшти дека повредените се пренесени во болница.
Поранешните племенски региони во северозападен Пакистан делат долга граница со Авганистан и со години служат како безбедно засолниште за екстремистите.
Армијата изврши масовни операции за обезбедување на областа, принудувајќи ги екстремистите да побегнат во Авганистан или да се кријат во други области на Пакистан, во близина на границата.
Albanian
English
Macedonian
Turkish
