Почина жената која на 8 март беше ранета во пукање на патарина во Прешево од страна на македонски државјанин. В.Ј.(30) се возела во „Ауди“ со македонски регистарски таблички, а во еден момент излегла од возилото и почнала да бега. При ова мажот излегол и испукал неколку куршуми, по што се самоубил.
В.Ј. починала во Универзитетскиот клинички центар во Ниш, пишува српски „Блиц“.
„Пациентката В.Ј. (30) која на 8. март поради повреди добиени од огнено оружје, од Врање беше донесна во УКЦ во Ниш, и после хируршките зафати беше хоспитализирана на Клиниката за анестезија, и после сите напори на лекарите од нишкиот универзитетски клинички центар, вчера им подлегна на повредите“, јавуваат од УКЦ Ниш.
