На 105-годишна возраст почина легендата на српскиот театар, познатата Бранка Веселиновиќ.
Таа е родена во далечната 1918 година во Нови Бечеј, а во текот на кариерата играла во повеќе од 100 претстави во театарот и повеќе од 50 телевизиски серии и филмови.
Добитничка е на бројни награди и признанија за нејзината актерска и хуманитарна работа.
По дипломирањето на Трговската академија во Нови Сад и на Актерската школа во Белград, како и ангажманот во СНП, таа се префрла во Уметничкиот театар во Белград, кој окупаторот го затворил по само една година од нејзиниот престој таму.
По Втората светска војна најпрвин станала член на Народниот, а потоа и на Југословенскиот драмски театар каде останала до крајот на нејзината театарска кариера, следните 30 години.
