По кратко и тешко боледување на 30-годишна возраст почина Пола Борго, поранешна одбојкарка и репрезентативка на Бразил.
Таа се повлече од игра во септември минатата година, кога и беше дијагностицирана тешка болест. Само два дена пред смртта, таа објави емотивна порака на Инстаграм во која откри дека со сопругот ја прославува годишнината од бракот:
„Помина нашиот 5-ти ден, а јас не бев доволно добро ни да зборувам. Го поминавме 5-тиот ден во болница, ти се грижеше за мене и ми кажа колку ме сакаш. Слушнав толку многу приказни за сопрузи кои ги оставиле своите жени кога се разболеле, Карлос беше сосема поинаков, ми покажа колку ме сака, ми покажа дека тој е човекот што ми го испрати Бог.
Љубов, имам толку многу добри работи да кажам за тебе, толку многу текстови да напишам за твојот карактер, толку многу убави фрази да кажам за битието што си, но нема да должам. Само сакам секој да ја има привилегијата да го има Карлос во својот живот, син како Карлос, сопруг, брат и Карлос сигурно би бил одличен татко“, напиша Борго во својата последна објава на Инстаграм.
За жал, два дена подоцна стигна тажната вест, а од неа со трогателни зборови се прости и Светската одбојкарска федерација:
„Почивај во мир, Пола Борго. Сочувство до семејството, пријателите и фановите. Донесовте многу среќа на овој свет и ние секогаш ќе ве паметиме. Вашето храбро срце ќе остане запаметено“, порачаа тие.
