Анкица Туѓман, сопругата на првиот хрватски претседател Фрањо Туѓман, почина во 97. година од животот.
Била родена во 1926 година во Загреб, каде што се школувала сѐ до заминување во партизани пролетта 1944 година. Истата година го запознала својот иден сопруг Фрањо, со кого стапила во брак една година подоцна, по завршувањето на Втората светска војна.
Во 1946 година го добиле првиот син Мирослав, две години подоцна се родил Стјепан, а во 1951 година ќерката Невенка.
