Американскиот астронаут Френк Борман, кој беше командант на мисијата Аполо 8, почина на 95-годишна возраст. американската вселенска агенција НАСА. Борман почина во вторникот во Билингс, Монтана, САД, објави американската вселенска агенција НАСА.
-Денес се сеќаваме на еден од најголемите луѓе на НАСА. Астронаутот Френк Борман беше вистински американски херој – изјави администраторот на НАСА Бил Нелсон.
Како командант на Аполо 8, Борман ја водеше првата мисија со екипаж околу Месечината во 1968 година и го отвори патот за слетување на Месечината неколку месеци подоцна.
Роден во американската сојузна држава Индијана, Борман разви страст за авиони на 15-годишна возраст, што на крајот го одведе во воздухопловните сили, а подоцна и во НАСА. Од 1950 година станува воен пилот, а подоцна и доцент по термодинамика на Воената академија Вест Поинт во државата Њујорк.
Во 1967 година, тој беше член на истражниот одбор кој го истражуваше пожарот на вселенското летало Аполо во кој загинаа тројца астронаути. Подоцна беше именуван за шеф на програмата Аполо и го предводеше тимот што го редизајнираше вселенското летало Аполо.
По пензионирањето од воздухопловните сили во 1970 година, Борман стана консултант а подоцна и претседател на компанијата Eastern Airlines. Борман служеше и како специјален претседателски амбасадор на патувања низ Далечниот Исток и Европа.
Славниот американски астронаут има добиено бројни награди, вклучувајќи го и Конгресниот вселенски медал на честа. Во 1990 година, тој беше примен во Меѓународната вселенска куќа на славните, а во 1993 година во Куќата на славните на американски астронаути.
