Познатиот холивудски актер Доналд Сатерленд почина на 88-годишна возраст по долго боледување.
„Со тешко срце ве известувам дека мојот татко Доналд Сатерленд почина. Јас лично го сметам за еден од најважните актери во историјата на филмот. Никогаш не го уплашила ниедна улога, без разлика дали била добра, лоша или неубава. Тој го сакаше тоа што го правеше и го правеше тоа што го сакаше, не можете да барате повеќе во животот“ – објави неговиот син, исто така познат актер.
Доналд Сатерленд роден е во Канада на 17 јули 1935 година, а неговата кариера траеше повеќе од 50 години. Некои од најзабележителните улоги на Сатерленд вклучуваат нетипични воини од филмовите како што се „12-те жигосани“, „M*А*S*H“ и „Златo за смелите“. Неодамна, тој глумеше во американската телевизиска серија Dirty Sexy Money.
Во младоста бил радио новинар, а во исто време дипломирал машинство и драмски уметности.
Сатерленд глумеше во многу филмови и серии, а еден од најголемите успеси го постигна со епскиот филм Новеченто на Бернардо Бертолучи, како и со драмата „Обични луѓе“ (1980), режисерско деби на Роберт Редфорд.
