Почина 39-годишната родилка која скокна од првиот кат на Клиниката за гинекологија и акушерство. Веста за Канал 5 ја потврдија членови на нејзиното семејство.
Фаталниот настан се случи на 2 јули околу 21:30 часот. Таа со тешки повреди беше хоспитализирана на КАРИЛ, каде повеќе од една недела докторите се бореа за нејзиниот живот. Родилката после падот имаше тешки повреди на вратната кичма, градниот кош и главата. Дванаесет дена подоцна таа почина.
Случајот со родилката ја отвори дебатата во јавноста за постпородилната депресија кај жените и колку и како е таа третирана во Македонија.
