По европските избори во јуни следната година, Европскиот парламент се проширува и ќе има 15 места повеќе со што вкупниот број на пратеници ќе се зголеми на 720.
Петнаесетте дополнителни места треба да се поделат меѓу 12 различни земји-членки на ЕУ, одлучија денеска европратениците.
Франција, Холандија и Шпанија треба да добијат уште по две места. Белгија, Данска, Ирска, Летонија Австрија, Полска, Финска, Словенија и Словачка ќе добијат по еден дополнителен мандат.
Дополнителните места треба да ги одразат демографските промени во населението на ЕУ од последните европски избори кои се одржаа во 2019 година.
