Најдобриот норвешки тенисер Каспер Руд (7 пласиран на АТП листата) трет пат во кариерата го освои победничкиот трофеј на АТП турнирот во Женева, совладувајќи го попладнево во финалето Чехот Томаш Махач со 7-5, 6-3.
Руд триумфираше во Женева и во 2021, 2022 и 2024 година.
За Махач ова беше прво АТП финале, додека Руд ја освои 12 титула во своето 23 финале, второ сезонава, откако го подигна победничкиот пехар и на турнирот во Барселона.
Освоените бодови на Руд нема да му донесат поместување на АТП рангирањето, додека Махач од 44. место ќе скокне на 34. позиција, што е најдобар пласман во неговата кариера.
Настапот во Женева, чешкиот тенисер ќе го памети и по полуфиналната победа против тенисерот број еден во светот Новак Ѓоковиќ.
фото: МИА
