Министерството за одбрана на Хрватска наскоро ќе испрати предлог за измени на три клучни закони, а меѓу другото и експлицитно ќе биде наведено дека во мир со армијата командува министерот за одбрана, а не претседателот.
Станува збор за измени на Законот за одбрана, на Законот за служба во вооружените сили и на Законот за правата од пензиско осигурување на активниот воен персонал, полициските службеници и овластените службени лица. Со измените се предвидува претседателот на Хрватска повеќе да нема право на пензија по завршувањето на мандатот.
Медиумите во Хрватска предвидуваат и дека предложените измени ќе доведат до нова жестока пресметка меѓу претседателот Зоран Милановиќ и премиерот Андреј Пленковиќ.
Премиерот Пленковиќ и министерот за одбрана Марио Баножиќ уште во мај најавија измени во Законот за одбрана со кои ќе се реши „нејасноста на одредени членови“. Според информациите на „Јутарњи лист“, членот 70 од Законот за одбрана попрецизно и поексплицитно би ја дефинирал командата и контролата на вооружените сили дека во мирно време началникот на Генералштабот добива наредби и други решенија од министерот за одбрана и е одговорен. за нивна имплементација.
