Звуци од мини се слушаа во разорниот пожар која го зафати регионот на Дубровник, а кој сега се шири кон територијата на Босна и Херцеговина. Тоа се остатоци од Татковинската војна. На снимките може да се видат големите пламени јазици на ридот над Петрача. Синоќа 130 пожарникари се избориле пожарот да не навлезе во првите куќи до ридот.
– Ќе имаме голем проблем ако продолжи да дува ветер. Пожарот се приближува до куќа и постои одредена опасност. Дел од оганот се пресели во Босна и Херцеговина, а потоа се врати, а еден дел влезе во Конавоска брда – изјави Стјепан Симовиќ, началниот на Жупа Дубровник.
Два големи пожари избија во понеделникот. Тие беа разгорени од силниот урагански ветар од невремето кое ја зафати Хрватска. Утрово состојбата е поповолна, но пожарот се шири кон соседна БиХ.
– Значи, од источната страна тој пожар е во Босна и Херцеговина. Нашите 150 луѓе се на терен – рече Славко Туцаковиќ, началникот на противпожарната служба и додаде дека ситуацијата е помирна и нема отворен оган.
Инаку, БиХ денеска ја очекува ново невреме, а Федералниот хидрометеоролошки завод издаде портокалово предупредување, а во поголемиот дел од земјата се најавени пообилни локални врнежи пропратени со грмежи и силни налети на ветер.
Еден работник во земјата загина при поправка на дефекти на електрични водови на територијата на Прњавор. Далноводите биле претходно оштетени од невремето.
Веста за трагедијата на својот Фејсбук профил ја објави градоначалникот на Прњавор, Дарко Томаш, кој упати сочувство до семејството на повредениот работник.
