На летот од Ланзароте до Ливерпул е забележан досега невиден настан кога капетанот на авионот побарал од 20 патници доброволно да го напуштат леталото со паричен надомест, бидејќи се претешки и не може да се справат со силните ветрови, високите температури и должината на пистата.
Видеото во кое капетанот на летот „U233364“ на „easyJet“ моли 20 патници кои не им е толку итно вечерта да пристигнат во Ливерпул, да го напуштат леталото поради силниот ветер, високата температура и должината на пистата стана вистински хит на социјалните мрежи. Видеото првично беше објавено на социјалната мрежа „ТикТок“ и за само три дена го погледнаа повеќе од два милиони луѓе!
Капетанот на авионот објасни дека три фактори се одговорни за неговото необично барање. Тоа се висока температура на воздухот, силен ветер и должина на пистата.
Тој рече дека авионот бил претежок за новите околности и затоа побарал 20 патници да излезат и да се откажат од летот. На секој од нив им понудил по 500 евра бидејќи авионот нема да може безбедно да полета.
Како што изјави портпаролката на аеродромот, љубезно се јавиле 19 лица и се откажале од летот. Парите биле уплатени на нивната сметка во знак на благодарност.
