Поради опожарувањето на црквата и штетата проценета на два милиони евра, пироманот оди во затвор на 3 години и 9 месеци.Вака одлучи во понеделникот копнениот суд во Кобленц на судскиот процес против пироманот во католичката црква на Воздвижение на крстот во Висен (област Алтенкирхен) на 10 февруари годинава. Пожарот го уништи барокниот висок олтар на црквата од 18 век, клупите и вредните уметнички дела. Штетата е проценета на околу 2 милиони евра.
Подметнувачот на пожар, 39-годишен маж од областа Оберберг, е осуден на три години и девет месеци затвор за, како што се наведува, „сериозно подметнување пожар и материјална штета“.
Покрај оваа казна, судот му наредил на пироманот да добие болничко лекување во кое мора да се откаже од алкохолот, пренесува магазинот Феникс.
Интересно е што на почетокот на судењето пред судот во Кобленц, пироманот се извини и се обиде да го оправда палењето на црквата велејќи дека бил толку пијан што повеќе не се сеќава што се случило. Тој се пожалил и на депресија, поради што, како што вели, имал самоубиствени мисли.
Бидејќи имаше видеа од палењето на црквата, судијата лесно можеше да го осуди, што и го направи.
Но, ниту една затворска казна за палење црква не може да ги задоволи верниците кои, според свештеникот на парохијата во Висен, Мартин Куртен, поради реновирањето нема да можат да одат во својата црква најмалку две години.
