Недостатокот од инсулин во Македонија ги тера граѓаните да си позајмуваат инсулински пенкала, јавува Канал 5. Сѐ помалку има термини за ендокринологија и ендокринолози. Дијабетот сѐ почесто го има кај децата чии родители пет години чекаат државата да набави сензори за за безболно мерење на гликоза во крвта, а во меѓувреме плаќаат до 1.500 евра годишно за приватно да набават и да користат ваков апарат кој го има само во странство. Шестотини деца во земјава имаат дијабет тип-1, над 40.000 граѓани се на инсулин во моментов, а вкупно 116.000 имаат дијабет.
Светскиот ден на дијабетесот кај нас се одбележува со недостаток на инсулинска терапија и немање термин за преглед. Поради тоа аптеките се принудени да го ограничат давањето на таблети на лицата заболени од дијабетис. Се даваат помалку кутии од потребните.
