More

    Петмина бугарски државјани на возраст меѓу 26 и 52 години имале „фабрика“ за лажни лекарски уверенија и за фалсификувани документи во Велика Британија

    spot_img

    Петмина бугарски државјани на возраст меѓу 26 и 52 години имале „фабрика“ за лажни лекарски уверенија и за фалсификувани документи во Велика Британија, а според британските медиуми, тие ја направиле најголемата измама со социјални бенефиции во историјата на земјата.

    Скај Њуз пишува дека тие вкупно украле повеќе од 50 милиони фунти. Бандата оперирала четири и пол години, помеѓу октомври 2016 и мај 2021 година, кога еден од осомничените бил уапсен.

    Откако бил пуштен од притвор, обвинетиот Али побегнал назад во Бугарија. Во февруари минатата година, по соработката со бугарските власти, тој беше екстрадиран назад во Велика Британија за да се соочи со правдата.

    Бандата направила илјадници лажни тврдења за социјалната помош Universal Credit користејќи или вистински луѓе или киднапирани идентитети и ги поткрепувала тврдењата со низа фалсификувани документи, вклучувајќи фалсификувани уплатници и лажни писма од лекар.

     

     

    За време на рациите, полицијата пронашла парчиња готовина полнета во шопинг торби и куфери, луксузен автомобил и дизајнерска стока, вклучувајќи часовници, јакни и чаши.

    На снимка која запленила британската полицијаможе да се види како член на бандата фрла банкноти од 20 фунти на патосот во очигледна радост, а друг ги собира.

    Бугарските државјани Галина Николова (38 години), Стојан Стојанов (27 години), Цветка Тодорова (52 години), Ѓунеш Али (33 години) и Патриција Панева (26 години) признале дека сториле кривични дела поврзани со измама и перење на пари.

    Тие во мај ќе одговараат пред суд во Велика Британија.

    Во истрагата која обвинителот Бен Рид ја опиша како „сложена и предизвикувачка“, британските власти соработувале со меѓународните партнери во Бугарија и агенцијата на Европската унија за борба против криминалот, Еуроџаст.

    – Ова е најголемиот случај на измама за социјална помош што некогаш бил изведен пред судовите во Англија и Велс. Во текот на неколку години, обвинетите биле вмешани во заговор за извршување на масовна измама против системот за универзална кредитна помош, што го чинела даночниот обврзник повеќе од 50 милиони фунти – рече обвинителот.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img