Бугарскиот премиер Кирил Петков денеска ќе го обзнани предлогот на францускиот претседател Емануел Макрон за кревање на ветото за Македонија. Предлогот треба да биде доставен до бугарскиот парламент и истовремено до сите земји членки на Унијата, пишува БГНЕС. Во својата изјава Петков е доста самоуверен дека зад него стојат и Макрон и Шолц, пренесува 360степени.
– Во четврток (денес, 16 јуни) официјално ќе биде испратен до сите земји-членки на ЕУ, а јас лично утре го испраќам до парламентот. Лично, Емануел Макрон и Олаф Шолц стојат цврсто зад мене. Ќе го прифатиме, после тоа паѓаме и продолжуваме понатаму – наводно изјавил Петков, пишува порталот.
Како што се наведува во текстот, Петков се пофалил дека „детално е запознаен со шемата како ќе се случи сето ова“.
„Очигледно Кирил Петков има намера лично да ја донесе оваа одлука за време на самитот на ЕУ што ќе се одржи на 23 и 24 јуни во Париз. Упатствата што Владата ги испрати до нашиот постојан претставник на Бугарија во ЕУ Румен Александров во врска со разговорите меѓу Скопје и Софија го истакнуваат недостатокот на чувствително прашање за заедничката историја и постои намера да не се придржува до бугарската рамка од октомври 2019 година, позиција, поддржана со декларација на Националното собрание и два Советодавни совети за национална безбедност под претседателот (имплементацијата на Договорот за добрососедство ќе биде дел од условите што се применуваат во преговорите, а првата Меѓувладина конференција ќе биде поврзана со вистински напредок во спроведувањето Договор)“, коментира БГНЕС.
Вчера, на самиот почеток на состанокот на Министерскиот совет, Петков го прочита неговото барање, кое беше веднаш прифатено, а кое предвидува „предлогот на француското претседателство веднаш да биде испратен до собраниската Комисија за надворешна политика“.
„Со овој потег, Петков освен што ги изолира сите од ова важно прашање, вклучително и Министерството за надворешни работи, практично од бугарското општество крие се што поединечно договарал и продолжува да преговара со странските дипломати. Кирил Петков вети и „брутален дипломатски напад врз сите бугарски политичари од странски дипломати во Софија“. Според него, најактивни ќе бидат француските, германските и американските дипломати“,се вели во тестот на БГНЕС.
На крајот уште се додава дека „вознемирувачки е и молкот на претседателот Румен Радев, кој пред еден месец му се заблагодари на претседателот Макрон за неговите напори“.
