Пет здравствени проблеми кои откриваат дека земате премногу витамини
Можеби не сте го очекувале, но некои додатоци може да имаат опасни несакани ефекти.
Во совршен свет сите се храниме здраво, внимаваме на внесот на витамини и минерали, па затоа теоретски не треба да земаме суплементи за силен имунитет.
Земаме суплементи за да го подобриме нашето здравје, но понекогаш тие можат да значат непријатни, а понекогаш и опасни несакани ефекти – особено ако земате многу од нив во исто време. Ова е список на неколку вообичаени несакани ефекти по употреба на додатокот и добро е да внимавате на нив, особено овие денови кога се повеќе луѓе ги користат.
1. Абдоминална болка
Проблемите кои се јавуваат во гастроентеролошкиот систем може да бидат првиот сигнал дека сте земале премногу суплементи. Може да се чувствувате лошо, да повраќате или да имате дијареа. Ова е често кога земате додатоци без храна. „Земењето витамини на празен стомак често предизвикува проблеми“, вели гастроентерологот д-р Кристин Ли. Исто така, добро е да разговарате со вашиот лекар пред да користите додатоци.
2. Губење на косата
Ова е симптом поврзан со прекумерно внесување на витамин А растворлив во масти. За разлика од оние кои се растворливи во вода и се елиминираат во урината, тие ќе се складираат во масните клетки, што може да доведе до несакани појави, како што е губење на косата. Има и витамин Д, Е и К кои можат да го предизвикаат истото. Погрижете се да ја земете само вистинската доза, ништо повеќе.
3. Брзо или неправилно чукање на срцето
Ова може да биде алармантен сигнал дека земате премногу додатоци за слабеење бидејќи некои од нив може да содржат стимуланси. Ова може да резултира со забрзани и неправилни отчукувања на срцето, истакнуваат експертите.
4. Проблеми со црниот дроб
Премногу суплементи може да бидат многу стресни за црниот дроб и да предизвикаат проблеми како хепатитис или дури и откажување на црниот дроб, а постојат докази дека оштетувањето на црниот дроб се случило со прекумерна употреба на додатоци на екстракт од зелен чај. Ова е добра причина зошто треба да проверите кај вашиот лекар што, кога и колку да земете за да го заштитите здравјето на црниот дроб – еден од најважните органи во телото.
5. Прекумерно крварење
Некои суплементи можат да спречат згрутчување на крвта, што значи дека ќе крварите почесто, па дури и ќе имате сериозни епизоди на крварење. Витаминот К е еден таков додаток кој може да спречи згрутчување кога се користи во комбинација со некои препарати. Дефинитивно е неопходно да се разговара за овој проблем со лекар пред да почнете сами да консумирате суплементи, пренесува Ординација.
