Пет милијадри долари месечно, 167 милиони дневно или 7 милиони на час троши Киев за актуелниот конфликт со Русија, изјави министерот за финансии на таа земја Сергеј Марченко. Марченко тоа го изјави во интервју за шпанскиот весник „Ел Паис“, од каде делови од разговорот пренесе украинска страна, пишува Б92.
– Борбените операции чинат пет милијарди долари месечно. Поддршката од западните земји што ја добиваме сега не е доволна да ги покрие сите трошоци – посочи Марченко.
Тој исто така изјави дека сегашните трошоци се подносливи во време кога се очекува конфликтот да трае најмногу три месеци, но во сегашната состојба „загубите на (украинската) економија се зголемуваат од ден на ден.
Ако сумата се подели во минути тоа се 116.000 евра, односно 1.930 евра во секунда. Плусинфо веќе пишуваше дека Русија, од друга страна, за окупацијата во секунда троши до 4.000 евра.
