Руското Министерство за одбрана денеска соопшти дека целта што била погодена во Краматорск била „привремена командна станица“ на украинската армија, пренесува Ројтерс.
Претходно, портпаролот на Кремљ, Дмитриј Песков, одговарајќи на прашања за нападот, рече дека „Руската Федерација не напаѓа цивилна инфраструктура“.
„Се вршат напади врз објекти кои на еден или друг начин се поврзани со воената инфраструктура“, рече тој.
Да потсетиме, во вчерашниот напад на Краматорск загинаа најмалку десет лица, меѓу кои три деца. Најмалку 60 лица се повредени.
