Откако во медиумите се појави информација за тепачка во ноќен клуб во Скопје во која „актери“ биле двајца бивши партнери на манекенката Катарина Ивановска, извесен Цобе и кошаркарот Перо Антиќ, екс-репрезентативецот на Македонија ги демантираше овие информации за ММС.
– Има камери, нека се види дали имало тепачка. Се знае како изгледа тепачка. А секој човек кога ќе биде нападнат има право да се брани. Ниту ме избркал некој од клуб ниту ќе може да ме избрка, тоа е место каде што може секој да отиде и да потроши пари. А смешно е за кликови што се прави. Не сакам веќе никогаш да коментирам ниту за дотичниот човек, ниту, пак, за дотичната жена, не ме интересираат, ниту го познавам. Навистина не ме интересираат, што сакаат нека прават во животот – вели Антиќ за ММС.
Претходно порталот 24Инфо пренесе дека се случил инцидент во еден скопски локал меѓу Цобе, првиот партнер и татко на децата на Катарина, и Перо Антиќ.
Според написите Цобе побарал од Антиќ да го напушти локалот, но тој одбил.
Токму поради тоа настанала тепачка, а Цобе, сакајќи да го погоди Антиќ со шишиња и со чаши во полниот клуб, погодил трето лице, по што реагирало обезбедувањето и го избркало Антиќ.
